الكل يفكر في شراء منزل و مطعم في إسطنبول.. كيف ذلك؟

📌 ماذا بعد ترحيل بعض
السوريين اللاجئين في الدنمارك .؟
📌 ام محمد .. لاجئة سورية
دمشقية 45 عام عايشة مع
زوجها و معها تلت اولاد ..
بتقول : كنا نسمع زمان انو
هولندا قلعت اللاجئين العراقيين
بشكل جماعي بعام 2010 لهيك
زوجي كان منتظر هيك لحظة
ومن لما وصلنا ع الدنمارك
من خمس سنين .. زوجي ما
ما خلانا نعمل سياحة ولا نشتري
وكان يخبي المصاري و ماكان
حتى يقدر يحول مصروف لأهلو
وضب ايدو وعشنا بتقشف تام
مشان لحظة الترحيل نكون
قادرين نشتري بيت بإسطنبول
ونفتح شغل ونستقر ..
📌 بقول خالد .. شاب
سوري 26 عام .. الدنمارك بلد
يميني متطرف وعنصري وسياسته
ضد اللاجئين والعرب والمسلمين
ومن لما وصلنا كان يطلع تيارات
ضدنا وكنت عارف رح يطردونا
لأسباب واهية متل تأخر تعلم
اللغة او العمل او زيارة البلد ..
انا ماعملت شي غلط ولا قصرت
بالتعليم والشغل ولانزلت ع سوريا
ولا محسوب على اي طرف ومع ذلك
سحبوا اقامتي للأسف .. صرلي اربع
سنين هون متغرب وجمعت مصاري
لأنزل عيش بإسطنبول وما مد
ايدي لحدا و مستحيل ارجع على
سوريا .. ما ضل النا خبز فيها ..
📌 بتقول حنين 31 عام ..
شابة عزباء ولاجئة بالدنمارك ..
البلد هون منيحة و عشت فيها ايام
حلوة بس بشكل عام سياستون
ضد اللاجئين من تحت لتحت..
جيت من ست سنوات واليوم
سحبوا اقامتي مع اني مانزلت
الا ع بيروت حصرا لشوف اهلي ..
طول فترة الغربة كنت خبي مصاري
وخايفة يطردونا وموت من الجوع
حاليا متلي متل البقية رح ننزل
ع اسطنبول وناخود بيت ونفتح
مطعم .. اقاربي كانوا يزعلوا
ليش ما ببعتلون مصروف وما
حدا كان عارف اننا منحط ببالنا
احتمال الترحيل المفاجئ ..
ع سوريا مافيني ارجع تعودت
ع نمط حياة معينة صعب اتركها ..
📌 غسان .. 22 عام ..
من الشباب اللي انسحبت اقامتون
مع انو ما غادر الدنمارك نهائيا بس
مشكلتو كانت انو تأخر لحتى اشتغل
وتعلم اللغة لأنو اصلا غير دارس ..
بقول .. ماعندي وقت للنوح والبكاء
واللطم .. جهزت مصاري لإنتقل
ع اسطنبول او دبي .. باخود بيت
وبكمل حياتي .. باوروبا ماكنت
اصرف وكنت جمع مصاري مشان
ساعة الغفلة .. برجع ع سوريا
بحالة تغيير الوضع بالبلد و الغاء
الخدمة العسكرية .. سوريا بلدنا
ومنحبها و مهما تغربنا منرجعلها ..
📌 بقول ٱلان 27 عام ..
انا كردي القومية ومع ذلك اجى
ترحيلي مع بقية اللاجئين العرب ..
الدنمارك بلد يميني و لهيك والدتي
كانت تتصل تقلي خبي مصاري
مشان شي يوم تنزل تعيش بإسطنبول.
اهلي لسه بسوريا و منطقتنا مدمرة
ومنهوبة وصعب ارجع بالوقت الراهن
ولكن بالمستقبل في حال اخدنا حقوق
ك مواطنين اكراد سوريين اكيد برجع
عنا اراضي واهل وصعب نتخلى عنون.